मिति २०७८ जेठ ६ गते "संघीय लाेकतान्त्रिक गणतान्त्रिक नेपाल - Federal Democratic Republic Nepal" काे इतिहासमा ज्यादै महत्वपूर्ण दिनकाे रूपमा रहनेछ । कारण :-
फाइल फोटो by : - आरमीट अस्लामी (राष्ट्रिय जनमुक्ति पार्टी र जनमुक्ति युवा महासंघ चिलियामा आयोजित कार्यक्रममा सम्बोधन गर्दाको फोटो)
क) झण्डै दुई तिहाई (अत्यन्त सुविधाजनक) बहुमतका साथ प्रधानमन्त्री बनेर पनि "बिस नभएको सर्प"ले जस्तै फाेणा उठाउदै धक्कु मात्र लगाउदै आएका सम्माननीय प्रम खडग प्रसाद ओलीले नराम्ररी झटका खाएका छन् ।
ख) एकातिर आफ्नो "खेताला प्यादा" हरूकाे जागिर (७ मन्त्री पद) सर्वोच्चले खाेसीदियाे भने आफ्नो बहुमत मतदाता भएपनि अली "भरेस लाग्दाे ..." लाई राष्ट्रिय सभाको उपनिर्वाचनमा पराजयकाे पगरी भिर्नु पर्ने दुर्दशा आईलाग्याे ।
ग) मन लाग्दाे गर्न पाउने भाग्यमानी प्रम ज्यूलाई यी यथार्थ घट्नाले निश्चय नै थप रनाहा पारेको छ । अर्थात, यी नाैटङ्कीकाे कथाक्रममा खलपात्रकाे मुख्य भूमिकामा सजाईएका र मूलुकमा मनमर्जी गर्न पाउने भाग्यमानी प्रम ज्यू लाई यी परिदृश्यहरू कण्ठस्थ थियो ।
घ) नानाथरी आहान जानेका र "आफू भलाे जगतै भलाे" काे आहानमा रमेका तर पछिल्लो पटक विश्वासको मत संसदबाट नलिईकन थप उच्छृङ्खलताकाे चेष्टा सम्माननीय प्रम ज्यूबाट प्रकट भएको छ ।
ङ) प्रमकाे पक्षमा बहुमत नहुने र अर्को प्रकृया अगाडि बढाउन सुटुक्क कुरा लगा (?) काे भरमा राष्ट्रपतिज्यूबाट २४ घण्टा भन्दा नि कम समय राखेर संवैधानिक आधार विना नै "नयाँ सरकार निर्माण"काे लागि उर्दी जारी भएको छ । देशमा एउटा प्रधानमन्त्री बर्करार रहदारहदै अर्को प्रधानमन्त्रीका लागि आव्हान हुने/गरिने व्यवस्था नेपालकाे संविधानले कल्पना नगरेकाे तर राष्ट्रपतिज्यूकाे "भुईंफट्टा तरिका" चाहिँ अवश्य हाे ।
च) राष्ट्रपति विद्यादेवी भण्डारी ज्यू र प्रम खड्ग प्रसाद ओली ज्यूको चालामाला "वल्लाे-पल्लो घर छिमेकमा गरिने सामाजिक आदानप्रदान" जसरी चल्दै आएकाे पराकाष्ठा तर्फ बढ्दैछ ।
छ) जेठ ६ गते प्रम-राष्ट्रपतिबाट गरिएको हर्कतले देशमा थप गन्जगोल र नयाँ परिदृश्य खडा गर्दैछ । "निकृष्ट मनाेग्रन्थीले थला परेका एकाध"काे स्वार्थ पूर्तिका खातिर "जनताको बलमा प्राप्त उपलब्धी"लाई बली चढाउने सम्भावना थप ठाेस बनाउदै लगिदैछ ।
ज) राजनीतिमा "निष्ठा" सबै रद्दीकाे टाेकरीमा डम्पिङ गरियो र फाेहरकाे डङ्गुरमा मिल्काएकाे जनताले टुलुटुलु हेर्नु पर्ने निरीहता बलियो बनाउने दुस्प्रयास बढ्दाे छ । "मुतकाे न्यानाे" मा रमाउनेहरूकाे जमात "निहित स्वार्थ"काे "च्याखे दाउ"मा ब्वाँसाे जसरी ङ्यार्र गरीरहेका छन् ।
झ) जेठ ७ गते बिहान जागा भई ताजा समाचार सुन्न रूचाउने समाचारप्रेमी सबै नेपालीलाई "काेराेना कहरकाे थप क्रन्दन र पीडा"को समाचारका अलावा कति आशा संगालेर विश्वास गरी आफूले मत दिएकाहरूकाे "राजनीतिक रत्याैली" काे लामाे निबन्ध फरकफरक शिर्षकमा सुन्ने अर्को साैभाग्य मिल्नेछ ।
ञ) यस्तो हवीगत र "हुतीहारा चाला" देख्न जनताले बहुमत अवश्य दिएका थिएनन् । ५ वर्ष सम्म सजिलै सरकार चलाउन पाउने जनमत "बाँदरको हातमा नरिवल" भने जस्तै भएकाे छ ।
ट) तर पनि दलकाे विकल्प दल नै हाे । सबै दल जनविश्वासकाे कसीमा भएको मनाेविज्ञान बढाेत्तरी भईरहदा दलभन्दा माथि साेच्न र कार्य गर्न सक्ने राष्ट्रिय चिन्तनले युक्त बृहत्तर राजनेतृत्वकाे सपना र आवश्यकता पूरा गर्न लालायितहरू - "निर्माणवादीहरूकाे बृहत्तर माेर्चा" निर्माण हुन सक्नु देशको दूरगामी आवश्यक्ता हाे ।
*** राष्ट्रप्रेमी, देशभक्त, परिवर्तनका पक्षधर, युगलाई धान्न / डाेरयाउन सक्ने / विशुद्ध हिम्मत गर्ने र देश बनाउने भावनाले ओतप्रोत भएका सबै नेपालीहरूले देशमा व्याप्त/कायम व्यथिति, विसंगति, अन्याय, अत्याचार, भ्रष्टाचार, गैरजिम्मेवारीपना जस्ता कुप्रवृत्ति र कुसंस्कारका विरूद्ध नयाँ ढङ्गले साेचाै र एकजुट बनाैं - भविष्यका पुस्तालाई सभ्य, सम्वृद्ध र शान्त नेपाल हस्तान्तरण हेतु हातेमालो गरेर अगाडि जाने तर्फ सबैकाे एकमत बन्दै जादा के देशलाई अहिले जस्तो थप धाेखा हुन्छ र ?? के हामी नयाँ पुस्ता, युवा पुस्ता भनाउँदाहरूले प्राप्त चेतनाको कसीमा आफूलाई राख्दै समग्र समाजको हितको खातिर जीवनलाई सार्थक बनाउन असक्षम हाैं र ??? नि:स्वार्थ बहस पनि गराैं ।
No comments:
Post a Comment